జూనియర్ ఎన్టీఆర్, కొరటాల శివ కాంబినేషన్ లో తెరకెక్కుతున్న చిత్రం జనతా గ్యారేజ్. మలయాళ స్టార్ హీరో మోహన్ లాల్ ఈ చిత్రంలో ప్రధాన పాత్ర పోషిస్తున్నారు. ఇప్పటికే రిలీజ్ అయిన చిత్ర పోస్టర్స్, వర్కింగ్ స్టిల్స్ మూవీపై భారీ అంచనాలు నెలకొనేలా చేశాయి. ఇక తాజాగా ఈ చిత్రానికి సంబంధించి ఓ టీజర్ ని జూలై 6న విడుదల చేయాలని యూనిట్ భావిస్తోంది. ఎన్టీఆర్ అంచనాలకు తగ్గట్టుగా మూవీ టీం టీజర్ ని రెడీ చేస్తున్నట్టు సమాచారం. కొరటాల శివ తెరకెక్కిస్తున్న జనతా గ్యారేజ్ చిత్రంలో సమంత, నిత్యామీనన్ లు హీరోయిన్ లుగా నటిస్తున్నారు. ఇక దేవి శ్రీ ప్రసాద్ అందిస్తున్న ఆడియోకి సంబంధించిన వేడుక జూలై 22న భారీ ఎత్తున నిర్వహించాలని మేకర్స్ భావిస్తున్నారట. ఇక ప్రస్తుతం చిత్ర షూటింగ్ చివరి దశలో ఉండగా మూవీ రిలీజ్ ఆగస్ట్ 12న ఉంటుందన్న సంగతి తెలిసిందే.
